ايه يا زكي مش هتعقل بقي ... ليه يا زميلي انت شايفني بشد في شعري ولا بقطع شراييييني .. مش قصدي طبعا يا برنس بس هتفضل معارض للرئيس السيسي لحد امتى وايه اللي انت خايف منه ليحصل .... أولا انا مش معارض .. آومال إيه ... انا مش معترف به من أصله ... ثانيا انا خايف من حجات كتير ممكن تحصل للبلد ونضيع كلنا ونبقي في حيص بيص يا فوزى ... زي ايه يا زميلي قول .... أولا يا غالي انا خايف علي البلد من الراجل ده لأنه ممكن ودا وارد جدا انه يتنازل عن حق مصر في نهر النيل وندخل في مرحلة شح مائي والأراضي الزراعية تنشف من قلة الميه والناس متلقيش ميه تشربها ... وخايف جدا لا يزهق الفلاحين من زراعة القمح عشان يبطلو يزرعو ويدوشو دماغه في الاستلام .. وخايف ليستورد قمح مسرطن ... وخايف بردو يتنازل عن الأرض لأي دوله تدفعله اكتر ... ولو عندنا غاز في البحر المتوسط يتنازل عنه لليونان وممكن يهجر أهالي رفح عشان خاطر اليهود وممكن يدمر الاقتصاد والشركات العالمية تهرب وممكن الدولار يوصل ل 11 جنيه وممكن الأسعار ترتفع بشكل جنوني والمواطن الغلبان ميلقيش يأكل .... وممكن يرفع الدعم بتاع الغلابه والشعب يأكل من الزباله ومش بعيد الناس تنتحر من الفقر والبطالة انا خايف علي الشعب منه ليقسمهم لشيع وطوائف .. وخايف علي الجيش ليسيب تصنيع السلاح وتطوير المهارات القتالية ويتوجه للتجاره وتصنيع الحلل التيفال وكحك العيد ويعمل قاعات افراح ومراكز لرسم التاتو وإزالة الشعر باليزر . خايف يوهم الشعب بمشاريع فنكوش يقولهم مثلا انه الجيش اخترع جهاز يعالج مرضي الكبد بالكفته وياخد فلوس الشعب ويضحك عليهم ويلبسهم السلطانيه . . تعرف اكتر حاجه مخوفانى منه ايه . ممكن أي يحد يعترض عليه يعتقله ويملا السجون من الشباب ولو مكفتش يبني سجون جديده ... دا يا زميلي اللي مخوفني منه وخايف علي البلد منه لنضيع ودا وارد جدا يا زميلي ....... بقولك ايه يا زكي ... نعم يا فوزي ... تتوقع مين اللي يفوز ببطولة أوربا السنه دي .... بتعمل ايه يا زكي ... بقطع شراييييني يا فوزي ..... #مفيش_فايده #رحلتي_من_الثوره_الي_الألش #مرار_طافح #اللي_عايز_يشتم_يشتم_بس_في_سره

ايه يا زكي مش هتعقل بقي ... ليه يا زميلي انت شايفني بشد في شعري ولا بقطع شراييييني .. مش قصدي طبعا يا برنس بس هتفضل معارض للرئيس السيسي لحد امتى وايه اللي انت خايف منه ليحصل .... أولا انا مش معارض .. آومال إيه ... انا مش معترف به من أصله ... ثانيا انا خايف من حجات كتير ممكن تحصل للبلد ونضيع كلنا ونبقي في حيص بيص يا فوزى ... زي ايه يا زميلي قول .... أولا يا غالي انا خايف علي البلد من الراجل ده لأنه ممكن ودا وارد جدا انه يتنازل عن حق مصر في نهر النيل وندخل في مرحلة شح مائي والأراضي الزراعية تنشف من قلة الميه والناس متلقيش ميه تشربها ... وخايف جدا لا يزهق الفلاحين من زراعة القمح عشان يبطلو يزرعو ويدوشو دماغه في الاستلام .. وخايف ليستورد قمح مسرطن ... وخايف بردو يتنازل عن الأرض لأي دوله تدفعله اكتر ... ولو عندنا غاز في البحر المتوسط يتنازل عنه لليونان وممكن يهجر أهالي رفح عشان خاطر اليهود وممكن يدمر الاقتصاد والشركات العالمية تهرب وممكن الدولار يوصل ل 11 جنيه وممكن الأسعار ترتفع بشكل جنوني والمواطن الغلبان ميلقيش يأكل .... وممكن يرفع الدعم بتاع الغلابه والشعب يأكل من الزباله ومش بعيد الناس تنتحر من الفقر والبطالة انا خايف علي الشعب منه ليقسمهم لشيع وطوائف .. وخايف علي الجيش ليسيب تصنيع السلاح وتطوير المهارات القتالية ويتوجه للتجاره وتصنيع الحلل التيفال وكحك العيد ويعمل قاعات افراح ومراكز لرسم التاتو وإزالة الشعر باليزر . خايف يوهم الشعب بمشاريع فنكوش يقولهم مثلا انه الجيش اخترع جهاز يعالج مرضي الكبد بالكفته وياخد فلوس الشعب ويضحك عليهم ويلبسهم السلطانيه . . تعرف اكتر حاجه مخوفانى منه ايه . ممكن أي يحد يعترض عليه يعتقله ويملا السجون من الشباب ولو مكفتش يبني سجون جديده ... دا يا زميلي اللي مخوفني منه وخايف علي البلد منه لنضيع ودا وارد جدا يا زميلي ....... بقولك ايه يا زكي ... نعم يا فوزي ... تتوقع مين اللي يفوز ببطولة أوربا السنه دي .... بتعمل ايه يا زكي ... بقطع شراييييني يا فوزي ..... #مفيش_فايده #رحلتي_من_الثوره_الي_الألش #مرار_طافح #اللي_عايز_يشتم_يشتم_بس_في_سره
by Mohamed Ehab Taher

June 23, 2016 at 09:14PM
from Facebook
via IFTTTfrom Facebook
via IFTTT