Mahmoud Mohamed Hegazy 13 hrs · إللي حصل إمبارح في الدرب الأحمر مجرد بداية ونتيجة حتمية لأكبر ذنب إقترفه السيسي وهو إسقاط الدولة وعمودها الفقري " منظومة القضاء " بعد ما كانت هي أخر شئ يمتلك أدنى مقومات العقل والإتزان المتبقي من دولة مبارك .. الناس إمبارح قدام مديرية أمن القاهرة كانت بتهتف بنفس هتافات الثورة " يا نجيب حقهم يا نموت زيهم .. الداخلية بلطجية " .. اتفرجت على أكتر من 10 فيديوهات ما بين سب ولعن للسيسي ونظامه .. بس الأهم من الشتيمة والإنفعال .. هو اليقين إللي الناس بتتكلم بيه عن غياب العدل في البلد دي . خنافة في الدرب الأحمر .. أمين الشرطة قتل شاب عنده 24 سنة .. الناس سحلوا أمين الشرطة وصاحبه حالا وفورا .. ولما ترددت أنباء إن امين الشرطة لسة عايش .. راحوا حاصروا المستشفى علشان يخلصوا عليه .. ناس شافت إنها مظلومه فقرروا ياخدوا حقهم في التو واللحظة بدون إنتظار لعدالة هما واثقين تماما إنها ميتة ومش موجودة غير للبهوات .. وإللي لية حاجة لازم ياخدها بدراعه . المواضيع كلها ملمسه على بعض وكلها في سياق واحد ... وإللي حصل في الدرب الأحمر حصل في اسوان والسويس والاسماعيلية .. وبيحصل كل يوم في الصعيد . الأسبوع اللي فات محمود محمد إللي دخل السجن عنده 16 سنة .. كمل سنتين حبس إحتياطي في السجن في قضية أحرازها تيشرت مكتوب عليه وطن بلا تعذيب .. النيابة " المختلة عقليا " حولوا الولد لنيابة أمن الدولة .. ايوا يا نجم .. في حد شاف إن محمد خطر جدا لدرجة إنهم هيلبسوه قضية أمن دولة .. الناس كمان عارفة بالظلم وسمعت عن البنات اللي اتسجنت في قضايا احرازها بلالين .. سمعوا عن محاكمات لطلبة بيتهموهم بقتل زمايلهم إللي اتقتلوا برصاص الشرطة . الحالات دي ومعاها حالات زيها بتوصل للناس وبيسمعوا عنها مننا او من غيرنا .. وبتديهم يقين إن البلد مفيهاش عدل .. هما مش هيتحركوا او ينزلوا يتظاهروا علشان محمد او غير محمد .. هما هينزلوا لأسبابهم هما ودفاعا عن المظالم الواقعة عليهم هما .. بس وقود الخناقة هيبقى تراكمات ومظالم إحنا كمان جزء منها. لو اللي قتل الشاب بتاع الدرب الاحمر مواطن عادي كانت الناس ممكن تتفاعل مع اللي قتله بشكل مختلف وممكن تسيبها للقضاء .. بس الناس عارفة إن كونه شرطة تحديدا .. فهوا مش هيتحاكم والنظام هيحميه .. دا هو عمق الفكرة وأهم معنى وصل للناس . إللي فشلنا نوصله للناس .. السيسي وصله للناس تماما ؛ وإللي كنا بنصرخ بيه زمان علشان نفهمهم إن العدالة الغايبة هتطول الكل .. الناس صدقوا وأيقنوا وبيهتفوا بنفس هتافاتنا وبيقولوا نفس كلامنا .. بس إنطلاقا من معاركهم الشخصية . ودا درس لينا كلنا .. إللي بيتعامل مع الناس على إنها مش واخدة بالها .. عبيط .. وإللي منتظر إن الناس تدخل معارك مبتعبرش عن معاناتهم .. بردوا عبيط . النظام رد الثورة للناس تاني .. والثورة رجعت لقواعدها المنطقية وهما الناس .. غضب الناس وإضراب العمال والحشد اللي بيحصل في النقابات هي الثورة حصرا .. الهتافات والتظاهرات " المؤدلجة " إللي بتنادي او بتعبر عن شريحة واحدة ومتجاهلة باقي الناس هتموت وتدبل وملهاش مستقبل .. لازم نكلم الناس بلغتهم ونعبر عن قضاياهم .. لازم نستوعبهم وندافع عن اللي بيعبر عن معاناتهم .. ونستغل الفرصة إللي النظام المهزأ دا بيقدمهالنا .. إللي جاي مش شبة أي حاجة شفناها .. والنجاح هيبقى حليف إللي بيعبر عن كل الناس .. مش شرعية ولا اسلامية ولا علمانية ولا معارك امك هتلبس الحجاب وألا تقلعه .

Mahmoud Mohamed Hegazy 13 hrs · إللي حصل إمبارح في الدرب الأحمر مجرد بداية ونتيجة حتمية لأكبر ذنب إقترفه السيسي وهو إسقاط الدولة وعمودها الفقري " منظومة القضاء " بعد ما كانت هي أخر شئ يمتلك أدنى مقومات العقل والإتزان المتبقي من دولة مبارك .. الناس إمبارح قدام مديرية أمن القاهرة كانت بتهتف بنفس هتافات الثورة " يا نجيب حقهم يا نموت زيهم .. الداخلية بلطجية " .. اتفرجت على أكتر من 10 فيديوهات ما بين سب ولعن للسيسي ونظامه .. بس الأهم من الشتيمة والإنفعال .. هو اليقين إللي الناس بتتكلم بيه عن غياب العدل في البلد دي . خنافة في الدرب الأحمر .. أمين الشرطة قتل شاب عنده 24 سنة .. الناس سحلوا أمين الشرطة وصاحبه حالا وفورا .. ولما ترددت أنباء إن امين الشرطة لسة عايش .. راحوا حاصروا المستشفى علشان يخلصوا عليه .. ناس شافت إنها مظلومه فقرروا ياخدوا حقهم في التو واللحظة بدون إنتظار لعدالة هما واثقين تماما إنها ميتة ومش موجودة غير للبهوات .. وإللي لية حاجة لازم ياخدها بدراعه . المواضيع كلها ملمسه على بعض وكلها في سياق واحد ... وإللي حصل في الدرب الأحمر حصل في اسوان والسويس والاسماعيلية .. وبيحصل كل يوم في الصعيد . الأسبوع اللي فات محمود محمد إللي دخل السجن عنده 16 سنة .. كمل سنتين حبس إحتياطي في السجن في قضية أحرازها تيشرت مكتوب عليه وطن بلا تعذيب .. النيابة " المختلة عقليا " حولوا الولد لنيابة أمن الدولة .. ايوا يا نجم .. في حد شاف إن محمد خطر جدا لدرجة إنهم هيلبسوه قضية أمن دولة .. الناس كمان عارفة بالظلم وسمعت عن البنات اللي اتسجنت في قضايا احرازها بلالين .. سمعوا عن محاكمات لطلبة بيتهموهم بقتل زمايلهم إللي اتقتلوا برصاص الشرطة . الحالات دي ومعاها حالات زيها بتوصل للناس وبيسمعوا عنها مننا او من غيرنا .. وبتديهم يقين إن البلد مفيهاش عدل .. هما مش هيتحركوا او ينزلوا يتظاهروا علشان محمد او غير محمد .. هما هينزلوا لأسبابهم هما ودفاعا عن المظالم الواقعة عليهم هما .. بس وقود الخناقة هيبقى تراكمات ومظالم إحنا كمان جزء منها. لو اللي قتل الشاب بتاع الدرب الاحمر مواطن عادي كانت الناس ممكن تتفاعل مع اللي قتله بشكل مختلف وممكن تسيبها للقضاء .. بس الناس عارفة إن كونه شرطة تحديدا .. فهوا مش هيتحاكم والنظام هيحميه .. دا هو عمق الفكرة وأهم معنى وصل للناس . إللي فشلنا نوصله للناس .. السيسي وصله للناس تماما ؛ وإللي كنا بنصرخ بيه زمان علشان نفهمهم إن العدالة الغايبة هتطول الكل .. الناس صدقوا وأيقنوا وبيهتفوا بنفس هتافاتنا وبيقولوا نفس كلامنا .. بس إنطلاقا من معاركهم الشخصية . ودا درس لينا كلنا .. إللي بيتعامل مع الناس على إنها مش واخدة بالها .. عبيط .. وإللي منتظر إن الناس تدخل معارك مبتعبرش عن معاناتهم .. بردوا عبيط . النظام رد الثورة للناس تاني .. والثورة رجعت لقواعدها المنطقية وهما الناس .. غضب الناس وإضراب العمال والحشد اللي بيحصل في النقابات هي الثورة حصرا .. الهتافات والتظاهرات " المؤدلجة " إللي بتنادي او بتعبر عن شريحة واحدة ومتجاهلة باقي الناس هتموت وتدبل وملهاش مستقبل .. لازم نكلم الناس بلغتهم ونعبر عن قضاياهم .. لازم نستوعبهم وندافع عن اللي بيعبر عن معاناتهم .. ونستغل الفرصة إللي النظام المهزأ دا بيقدمهالنا .. إللي جاي مش شبة أي حاجة شفناها .. والنجاح هيبقى حليف إللي بيعبر عن كل الناس .. مش شرعية ولا اسلامية ولا علمانية ولا معارك امك هتلبس الحجاب وألا تقلعه .
by Mohamed Ehab Taher

February 20, 2016 at 10:35AM
from Facebook
via IFTTTfrom Facebook
via IFTTT