طبعا موضوع ملكية مصر لجزيرة تشيوس اليونانية ده تخريف في تخريف فى تخريف: _________________________________________________ 1- لو سيادتك بصيت على الخريطة..هاتلاقى مصر مالهاش علاقة بالجزيرة من قريب ولا بعيد... الجزيرة على بعد أكتر من 800 كيلو من مصر...وبين الأراضى المصرية والجزيرة دول بحالها زى قبرص مثلا وعشرات الجزر اليونانية الأخري.. الجزيرة بينها وبين تركيا 12 كيلو فقط..وبينها وبين اليونان 100 كيلو... 2- اللى حصل ان الجزيرة دى كانت تبع الدولة العثمانية...والسلطان العثمانى أهداها مكافأة لمحمد علي..واتخصصت كوقف خيري...وبالتالى بقت تبع الأوقاف المصرية... 3- كونها تبع الأوقاف المصرية مايعنيش على الإطلاق انها مصرية...الأوقاف المصرية لها أراضى فى الهند والسودان وفلسطين وغيرها...وده مش معناه ان الأراضى دى تبقى جزء من الدولة المصرية... الاوقاف دى مش جهة سيادة أساسا..دى جهة إشراف خيري على ما يخصص لمستحقى الوقف من الفقراء وغيرهم...وفيه أراضى أوقاف كتير فى مصر أصلا جهات حكومية مستولية عليها.. 4- سنة 1912..الدولة العثمانية اعترفت باستقلال جزيرة تشيوس عنها وسلمتها لليونان وبقت رسمي تابعة لليونان..ومصر مالهاش من ساعتها فى الموضوع من قريب أو بعيد... 5- مازالت فيه مبانى هناك تابعة للأوقاف المصرية..وهى دى اللى كانت الحكومة اليونانية بتدفع عليها ايجار..ويبدو انهم بطلوا يدفعوا من ساعة الأزمة الإقتصادية هناك..لو فيه نزاع هايبقى على ايجار مبانى لا أكثر..مش على ملكية أراضى ولا ملكية الجزيرة بحالها قطعا... وحتى لو طالبنا بإيجار المبانى او حتى ملكيتها وملكية الأرض اللى أقيمت عليها..دى قصة تانيه خالص..مالهاش علاقة بالسيادة المصرية المزعومة على الجزيرة أو مصريتها.. دى حاجه كده عاملة زى ما مستثمر أجنبى يطالب مثلا بحقه فى حتة أرض فى بلد..مش معناها خالص انه صاحب البلد.. 6- اتفاق ترسيم الحدود مع اليونان ماداش الجزيرة لليونان لأن موضوع ان مصر لها فيها عمره ما كان مطروح أصلا..على اعتبار ان تركيا كانت محتلاها ساعة لما ادتها لمحمد على..وخلاص..الجزيرة اتحررت من تركيا ورجعت لليونان..وأى تصرف من تركيا فى الجزيرة أثناء احتلالها كأن لم يكن... 7- لو حد هايطالب بالجزيرة تبقى تركيا اللى الجزيرة على بعد 12 كيلو منها..مش مصر اللى على بعد أكتر من 800 كيلو منها.. 8- المطالبة بالجزيرة دلوقتى على أساس ما سبق أشبه بمطالبة تركيا مثلا ان مصر تبقى جزء من الدولة التركية باعتبار ما كان أيام الدولة العثمانية..أو مطالبة مصر ان السودان تبقى تابعة للدولة المصرية..او مطالبة بريطانيا ان اسكندرية تبقى جزء من انجلترا.. 9- الدولة العثمانية عملت فى الجزيرة مذبحة رهيبة سنة 1822 خلصت فيها على 120 ألف شخص هم تلات أرباع سكان الجزيرة وقتها (ما بين قتيل ومستعبد)..فانا باقترح نسك على الموضوع ده بدري بدري..احسن ما اليونان تطالبنا بتعويضات على الضحايا دول..واحنا مش ناقصين.. :) 10- قولوا لهيثم الحريرى اللى فتح الموضوع..مايخيبش خيبة أبوه (ربنا يعامله بعدله لا رحمته)..ويروح يواجه السيسي فى قضية محترمة..بدل الهلس ده.. 11- ارى عدم الإنسياق فى الدوشه حوالين القضية دى لأنه هايثبت قطعا انها فنكوش بمنتهى السهولة في 5 دقايق مناقشة..وده هايلهينا..وهايضعف أى تصدى للسيسي فى القضيتين الحقيقيتين المصيريتين اللى ودى البلد فى داهيه فيهم في مسألة الحدود (من ضمن بلاويه المتلتلة).. قضية تيران وصنافير.. وقضية ضياع الحق المصرى فى غاز المتوسط لصالح اسرائيل..اللى هو الكارثة الحقيقية فى مسألة ترسيم الحدود مع اليونان وقبرص..مش قضية تشيوس الهبله.. 12- الصور المرفقة صور من جزيرة تشيوس.. طب أنا راضى ذمتكم وضميركم..الجمال والأبهه دى ينفع ندمرهم ونقضى عليهم بتسليمهم للمصريين والعسكر اللى بيحكموهم ؟؟!!

طبعا موضوع ملكية مصر لجزيرة تشيوس اليونانية ده تخريف في تخريف فى تخريف: _________________________________________________ 1- لو سيادتك بصيت على الخريطة..هاتلاقى مصر مالهاش علاقة بالجزيرة من قريب ولا بعيد... الجزيرة على بعد أكتر من 800 كيلو من مصر...وبين الأراضى المصرية والجزيرة دول بحالها زى قبرص مثلا وعشرات الجزر اليونانية الأخري.. الجزيرة بينها وبين تركيا 12 كيلو فقط..وبينها وبين اليونان 100 كيلو... 2- اللى حصل ان الجزيرة دى كانت تبع الدولة العثمانية...والسلطان العثمانى أهداها مكافأة لمحمد علي..واتخصصت كوقف خيري...وبالتالى بقت تبع الأوقاف المصرية... 3- كونها تبع الأوقاف المصرية مايعنيش على الإطلاق انها مصرية...الأوقاف المصرية لها أراضى فى الهند والسودان وفلسطين وغيرها...وده مش معناه ان الأراضى دى تبقى جزء من الدولة المصرية... الاوقاف دى مش جهة سيادة أساسا..دى جهة إشراف خيري على ما يخصص لمستحقى الوقف من الفقراء وغيرهم...وفيه أراضى أوقاف كتير فى مصر أصلا جهات حكومية مستولية عليها.. 4- سنة 1912..الدولة العثمانية اعترفت باستقلال جزيرة تشيوس عنها وسلمتها لليونان وبقت رسمي تابعة لليونان..ومصر مالهاش من ساعتها فى الموضوع من قريب أو بعيد... 5- مازالت فيه مبانى هناك تابعة للأوقاف المصرية..وهى دى اللى كانت الحكومة اليونانية بتدفع عليها ايجار..ويبدو انهم بطلوا يدفعوا من ساعة الأزمة الإقتصادية هناك..لو فيه نزاع هايبقى على ايجار مبانى لا أكثر..مش على ملكية أراضى ولا ملكية الجزيرة بحالها قطعا... وحتى لو طالبنا بإيجار المبانى او حتى ملكيتها وملكية الأرض اللى أقيمت عليها..دى قصة تانيه خالص..مالهاش علاقة بالسيادة المصرية المزعومة على الجزيرة أو مصريتها.. دى حاجه كده عاملة زى ما مستثمر أجنبى يطالب مثلا بحقه فى حتة أرض فى بلد..مش معناها خالص انه صاحب البلد.. 6- اتفاق ترسيم الحدود مع اليونان ماداش الجزيرة لليونان لأن موضوع ان مصر لها فيها عمره ما كان مطروح أصلا..على اعتبار ان تركيا كانت محتلاها ساعة لما ادتها لمحمد على..وخلاص..الجزيرة اتحررت من تركيا ورجعت لليونان..وأى تصرف من تركيا فى الجزيرة أثناء احتلالها كأن لم يكن... 7- لو حد هايطالب بالجزيرة تبقى تركيا اللى الجزيرة على بعد 12 كيلو منها..مش مصر اللى على بعد أكتر من 800 كيلو منها.. 8- المطالبة بالجزيرة دلوقتى على أساس ما سبق أشبه بمطالبة تركيا مثلا ان مصر تبقى جزء من الدولة التركية باعتبار ما كان أيام الدولة العثمانية..أو مطالبة مصر ان السودان تبقى تابعة للدولة المصرية..او مطالبة بريطانيا ان اسكندرية تبقى جزء من انجلترا.. 9- الدولة العثمانية عملت فى الجزيرة مذبحة رهيبة سنة 1822 خلصت فيها على 120 ألف شخص هم تلات أرباع سكان الجزيرة وقتها (ما بين قتيل ومستعبد)..فانا باقترح نسك على الموضوع ده بدري بدري..احسن ما اليونان تطالبنا بتعويضات على الضحايا دول..واحنا مش ناقصين.. :) 10- قولوا لهيثم الحريرى اللى فتح الموضوع..مايخيبش خيبة أبوه (ربنا يعامله بعدله لا رحمته)..ويروح يواجه السيسي فى قضية محترمة..بدل الهلس ده.. 11- ارى عدم الإنسياق فى الدوشه حوالين القضية دى لأنه هايثبت قطعا انها فنكوش بمنتهى السهولة في 5 دقايق مناقشة..وده هايلهينا..وهايضعف أى تصدى للسيسي فى القضيتين الحقيقيتين المصيريتين اللى ودى البلد فى داهيه فيهم في مسألة الحدود (من ضمن بلاويه المتلتلة).. قضية تيران وصنافير.. وقضية ضياع الحق المصرى فى غاز المتوسط لصالح اسرائيل..اللى هو الكارثة الحقيقية فى مسألة ترسيم الحدود مع اليونان وقبرص..مش قضية تشيوس الهبله.. 12- الصور المرفقة صور من جزيرة تشيوس.. طب أنا راضى ذمتكم وضميركم..الجمال والأبهه دى ينفع ندمرهم ونقضى عليهم بتسليمهم للمصريين والعسكر اللى بيحكموهم ؟؟!!
by Mohamed Ehab Taher

August 28, 2016 at 11:35PM
from Facebook
via IFTTTfrom Facebook
via IFTTT